ಮುಂಡಗೋಡ:ದೆಹಲಿಯಲ್ಲಿ ನಡೆದ ರಾಷ್ಟ್ರೀಯ ಕ್ರೀಡಾಕೂಟದ 400ಮೀ. ಅಥ್ಲೆಟಿಕ್ಸ್ ನಲ್ಲಿ ತೃತಿಯ ಸ್ಥಾನ ಪಡೆದ, ತಾಲೂಕಿನ ಚಳಗೇರಿಯ ನಯನಾ ಕೊಕರೆ ಯನ್ನು ಇಲ್ಲಿಯ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಸೋಮವಾರ ಸನ್ಮಾನಿಸಲಾಯಿತು.
ನಯನಾ ಕೊಕರೆ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಪ್ರಥಮ ಪಿಯುಸಿಯಲ್ಲಿ ಕಲಿಯುತ್ತಿದ್ದು, ಆಕೆಯ ಸಾಧನೆ ಶಿಕ್ಷಕರಲ್ಲಿ ಸಂತಸ ಮೂಡಿಸಿದೆ. ಕಾಲೇಜು ವಿದ್ಯಾರ್ಥಿನಿಯ ಸಾಧನೆಯ ಬಗ್ಗೆ ಉಪನ್ಯಾಸಕರು, ಸಹಪಾಠಿ ವಿದ್ಯಾರ್ಥಿಗಳು ಕೊಂಡಾಡಿದರು.
ಪ್ರೋತ್ಸಾಹ ಧನ:
ಕಾಲೇಜು ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷರಾದ ರಾಮಣ್ಣ ಪಾಲೇಕರ್ ಇವರು ವಿದ್ಯಾರ್ಥಿನಿಗೆ ₹1001 ಗಳನ್ನು ನೀಡಿ, ಅವಳ ಮುಂದಿನ ಕ್ರೀಡಾಜೀವನ ಇನ್ನಷ್ಟು ಉಜ್ವಲವಾಗಲಿ ಎಂದು ಶುಭಹಾರೈಸಿದರು.
ಈ ಸಂದರ್ಭದಲ್ಲಿ ಪ್ರಾಚಾರ್ಯ ಗುಡ್ಡಪ್ಪ ಕಡೆಮನಿ, ಉಪನ್ಯಾಸಕಿ ಸುಮನ್ ಭಂಡಾರಿ, ಇತರ ಉಪನ್ಯಾಸಕರು, ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು.
ನಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳು